26. ಸರಳ ವಾಸ್ತುವಿನ ಪ್ರಕಾರ ಹೊಸ ಮನೆ ಉದ್ಯೋಗ ಸ್ಥಳಗಳಿಗೆ ನಕ್ಷೆ ಹಾಕಿ ಕೊಡಲಾಗುವುದು
ಎಷ್ಟೊ ಜನರು ಇದ್ದ ಮನೆಯ ಕಾಂಪೌಂಡ್ ಗೇಟ್ನ್ನು ಒಡೆದು ಈಶಾನ್ಯದ ಮೂಲೆಯಲ್ಲಿ ಹಾಕಿಸಿರುತ್ತಾರೆ. ಇದಕ್ಕೇನು ಕಾರಣ ಎಂದು ವಿಚಾರಿಸಿದರೆ ವಾಸ್ತು ಪುಸ್ತಕದಲ್ಲಿ ಈಶಾನ್ಯದ ಮೂಲೆಯಲ್ಲಿ ಬಾಗಿಲು ಇದ್ದರೆ ಒಳ್ಳೆಯದು ಎಂದು ತಿಳಿಸುವರು. ಹಿಂದಿನ ಅಧ್ಯಾಯದಲ್ಲಿ ನಾನು ಹೇಳಿರುವಂತೆ ಅದೇ ದಿಕ್ಕಿನಲ್ಲಿ ಇದ್ದಂತಹ ಕಾಂಪೌಂಡ್ ಗೇಟ್ನ್ನು ತೆಗೆದು ಈಶಾನ್ಯದಲ್ಲಿ ಅಳವಡಿಸಿದರೂ ಅದು ಈಶಾನ್ಯದ ಗೇಟ್ ಆಗುವುದಿಲ್ಲ ಅದು ಮೊದಲು ಇದ್ದ ದಿಕ್ಕಿನ ಗೇಟೇ ಆಗುವುದು. ಅದು ಉತ್ತರ ಇರಬಹುದು ಅಥವಾ ಪೂರ್ವ ದಿಕ್ಕೇ ಇರಬಹುದು. ಆದರೆ ನಾನು ಹೇಳುವುದಿಷ್ಟೆ ಮನೆಯ ಮುಖ್ಯದ್ವಾರ ಹಾಗೂ ಕಾಂಪೌಂಡ್ನ ದ್ವಾರ ಒಂದೇ ಸರಳ ರೇಖೆಯಲ್ಲಿರುವುದು ಬೇಡ. ಏಕೆಂದರೆ ಪ್ರಬಲವಾದ ಶಕ್ತಿಯು (Energy) ರಭಸವಾಗಿ ಮನೆಯಲ್ಲಿ ನುಗ್ಗುತ್ತದೆ. ಅದರಿಂದಾಗಿ ಮನೆಯಲ್ಲಿದ್ದವರಿಗೆ ತೊಂದರೆ ಉಂಟಾಗುವುದು ಖಂಡಿತ.
