படிப்பு அறை என்பது ஒருவர் அமைதியாக அமர்ந்து தனது படிப்பின் மீது கவனம் செலுத்தும் இடம் ஆகும். இந்த அறை வாஸ்து தரங்களின் அடிப்படையில், பொருத்தமான இடத்தில், பொருத்தமான திசையில் அமைக்கப்பட்டிருக்க வேண்டும். இந்த அறையில் எழும் அதிர்வுகள் வெறுப்பூட்டக்கூடிய மறைக்கப்பட்ட ஓசையைப் பிரதிபலிக்கின்றன. புத்தகங்கள், மேசை ஆகியவை அமைக்கப்பட்டிருக்கும் விதம் முறையான வகையில் இருந்தால், இந்த அறை தன்னிச்சையாக உங்களுக்கு அமைதியைத் தரும். அதன் விளைவாக, அதிக அறிவாற்றலுடன் நீங்கள் ஆசீர்வதிக்கப்படுவீர்கள்.
படிப்பு அறை சாதகமானதாகவும் அதிர்ஷ்டகரமானதாகவும் தோன்றக்கூடிய திசையில் அமைக்கப்பட்டிருக்க வேண்டும். படிப்பு அறைக்கான வாஸ்து கோட்பாடுகளின்படி, இந்தத் திசைகள் ஒரு மாணவருக்கு அவர் படிக்கும் பொழுது கவனக் குவிப்பு ஆற்றலை மேம்படுத்துகிறது. அந்தப் படிப்பு அறையில் எந்த விதமான நிலைக் கண்ணாடியின் பிரதிபலிப்பும் இருக்கக்கூடாது என்பதை உறுதிப்படுத்திக் கொள்ளவும். ஏனென்றால் அது அந்த மாணவரின் மீது ஆதிக்கம் செலுத்தி, அவர் கவனத்தை திசை திருப்பக் கூடியதாகும். மாணவர்கள் தங்களுக்குச் சாதகமான திசை நோக்கி வீற்றிருக்கும் பொழுது, சிறப்பான முறையில் அவர்கள் ஆற்றல் பெறுவதை உணர முடியும். அதே போல அவர்களுடைய கவனக் குவிப்பு ஆற்றலும் அதிகரிக்கும். அதன் மூலம் அவர்கள் தங்கள் ஆஞ்னா சக்கரத்தைத் தூண்ட முடியும். மேலும் மாணவர்கள் படிக்கும் பொழுது ஏதேனும் தூண்களுக்கு அடியில் அமர்ந்திருக்கக் கூடாது என்பதையும் நினைவில் கொள்ள வேண்டும். அது அவர்களுடைய படிப்பைப் பாதித்து, நெருக்கடியான மன நிலையை உணர வைக்கத் துவங்கி விடும்.
படிப்பு அறைக்கான வாஸ்துபடி, படிப்பு மேசையின் அமைக்கப்பட்டுள்ள விதம் சிறந்த கவனக் குவிப்பு ஆற்றலுக்குத் தேவையான அடிப்படையாகக் கருதப்படுகிறது. மாணவர்கள் படிக்கும் பொழுது அவர்களுக்குச் சாதகமான திசையில் அமர்ந்திருக்குமாறு, நீங்கள் படிப்பு மேசையை அமைக்க வேண்டும். மாணவர்களுக்கு எதிரில் ஒரு திறந்த வெளி இருக்குமாறு பார்த்துக் கொள்ள வேண்டும். அது அவர்களிடம் புதிய சிந்தனைகளை உருவாக்க உதவுகிறது.
படிப்பு அறையின் சுவர்கள் மெல்லிய நிறங்களால் வண்ணம் தீட்டப் பட்டிருக்க வேண்டும். படிப்பு அறைக்கான வாஸ்து கோட்பாடுகளின்படி, கவனக் குவிப்பு ஆற்றலை மேம்படுத்த மெல்லிய நிறங்கள் விதிவிலக்காக சாத்தியமானவை என நிரூபிக்கப்பட்டுள்ளன. படிப்பு அறைக்கு இருண்ட நிறங்களைப் பயன்படுத்துவதைத் தவிர்க்கவும்.
விளக்குகள் ஒருவருடைய படிக்கும் திறன் மீது மிகவும் அடிப்படையான தாக்கத்தைப் பெற்றுள்ளன. படிப்பு அறைக்கான வாஸ்து கோட்பாடுகளின்படி, சிறப்பான ஒளி விளக்குகளைப் பெற்றிருப்பது மிகுந்த பயன் மிக்கது. வெளிச்சம் குறைவான விளக்குகளைத் தவிர்க்கவும். அது மாணவர்களின் கவனக் குவிப்பைச் சிதறடித்து விடும் என நிரூபிக்கப்பட்டுள்ளது. எந்த ஒரு மாணவருக்கும் சூரிய வெளிச்சம் சிறப்பானதாகும்.
